Casa Museo Casares Quiroga

A Casa Museo de Casares Quiroga é unha casa museo situada na antiga residencia de Santiago Casares Quiroga na cidade da Coruña. A casa museo do que fora presidente da II República Española do 13 de maio ao 19 de xullo de 1936 ten catro andares con exposicións e reproducións das estancias da casa, incluído o xardín. O baixo da casa está adicado a sala de exposicións temporais. == Historia == O edificio da casa museo foi propiedade de José Cervigón. O novo propietario, Santiago Casares Paz encargou a reconstrución a Faustino Domínguez Coumes-Gay en 1886. En 1929 engadiuse unha bufarda deseñada por Eduardo Rodríguez-Losada Rebellón con vista ao xardín exterior. A casa dos Casares foi espoliada nos días posteriores ao golpe fascista de 1936. Dos dez mil libros da súa biblioteca uns foron queimados, outros roubados, e outros conducidos ao Pazo de Xustiza. == Galería de imaxes == == Notas == == Véxase tamén == === Outros artigos === María Casares === Ligazóns externas === Casas Museo da Coruña Ficha Arquivado 05 de xaneiro de 2017 en Wayback Machine. en Turgalicia

Wikipedia-Text auf Galicisch, lizenziert unter CC BY-SA. Vollständigen Artikel lesen ↗