Igrexa de Santa María das Dores de Lalín

A igrexa de Santa María das Dores é o templo da parroquia de Lalín, do concello de Lalín. Sitúase no centro da vila.

Historia

En 1865 aprobouse a construción da igrexa de Lalín, conforme ao proxecto firmado en 1863 polo arquitecto D. M. Ortiz. En 1895 o arquitecto diocesano Nemesio Cobreros presenta un novo proxecto para a súa aprobación. No campo da Feira, na actual praza das Pipas, había unha capela da Nosa Señora das Dores, que servía de igrexa parroquial de forma provisional. En 1876 talouse o carballo da Manteiga para a súa construción, e tras un incendio en 1883 restaurouse o retablo e adquiriuse outra imaxe da Virxe. A veciñanza achegou o predio, e o deputado Ángel Elduayen conseguiu que o goberno subvencionase o templo, e en 1901 a diocese de Lugo sacou a concurso a poxa da primeira sección da obra. O proxecto inicial contemplaba a demolición da capela e mais da igrexa de San Martiño de Lalín, mais a veciñanza opúxose e en 1905 oito fregueses mercáronlle o templo á diocese. En maio de 1903 comezaron as obras, preto da fonte da vila, e en marzo de 1907 remataron as obras de cantaría. En novembro de 1911 as paredes víronse danadas porque o templo aínda estaba descuberto. A igrexa inaugurouna o bispo Manuel Basulto Jiménez o 19 de marzo de 1919. O sacerdote Ramón García Aller encargou unha imaxe do Sagrado Corazón obra de José Rivas Rodríguez, autor tamén da Virxe Dolorosa do retablo maior. En 1959 o párroco Victoriano Sucasas iniciou unha campaña para a ampliación da igrexa, que pasou a ter tres naves. Despois de rematarse a construción da torre e instalarse un reloxo e unha nova campá, o bispo Antonio Ona de Echave reinaugurou o templo o 2 de setembro de 1962.

Galería de imaxes

Vidreiras dos muros laterais:

Wikipedia text in Galician, licensed CC BY-SA. Read the full article ↗