Illa da Altura

A illa da Altura é unha insua formada pola construción do encoro de Portodemouros no río Ulla.

Características

Cunha extensión de 58,14 hectáreas, é unha das illas meirandes da Galicia interior. Pertence á parroquia de Beigondo do concello de Santiso e está rodeada toda ela polo brazo do encoro correspondente ao río Iso. Só cando o nivel da auga baixa, créase un istmo desde a veciña parroquia de Viñós (Arzúa).Ten unha altura de 81 metros sobre a cota máxima do encoro, o que supón unha elevación máxima de 325 metros sobre o nivel do mar. O seu territorio está a monte, non suxeito á explotación agropecuaria.

Wikipedia text in Galician, licensed CC BY-SA. Read the full article ↗