Area da Secada

Area de Secada é un areal da Illa de Arousa, de 250 metros de area fina e branca. Sitúase no norte da Illa de Arousa e os accesos a ela son por camiños de terra, aínda que os de saída dela están asfaltados. Está dotada dunha pasarela que a percorre dende o IGAFA (Instituto Galego de Formación en Acuicultura) ata a fin da praia; Dispón de tódolos requisitos para ter a bandeira azul (bandeira que conseguiu en 2007 xunto coa praia de Camaxe na mesma illa). Está bastante afastada do centro urbano da Illa e polo tanto dos centros médicos, hospitais, hoteis etc. É salientable tamén que sexa unha praia moi profunda, polo que aínda en baixamar non hai que andar nin 10 metros para que a profundidade sexa superior á altura dunha persoa. == Véxase tamén == === Ligazóns externas === Area de Secada en Turgalicia.

Wikipedia text in Galician, licensed CC BY-SA. Read the full article ↗