Pazo de Chirleu

O pazo de Chirleu é unha casa grande situada no lugar de Aguete (Seixo, Marín). Debe o seu nome á punta Chirleu. == Historia e características == Foi construído a principios do século XIX polo corsario Juan Antonio Gago de Mendoza. Nas súas orixes estaba dotado de foxo, porto propio e muralla, máis tarde sufriu importantes modificacións que o transformaron primeiro nunha fábrica de salgadura e despois nun estaleiro, para pasar a ser na actualidade sede do club do mar de Marín, se ben a vivenda principal permanece intacta e nela xa non viven os descendentes da familia Gago de Mendoza. O escudo en pedra da entrada comprende as liñaxes Gago (3 veces), Cervela, Figueroa, Mendoza, Agulla, Soutomaior, Montenegro, Sarmiento, Romero de Leis, Araúxo e Abreu. == Véxase tamén == === Outros artigos === Pazos de Galicia

Texto de Wikipedia en gallego, con licencia CC BY-SA. Ver el artículo completo ↗