Biblioteca Maravilhas

A Biblioteca Maravilhas é unha biblioteca autoxestionada e centro social con sede na antiga escola de Arroxo (Lourenzá), inaugurada en 2021. Está ligada a figurandorecuerdo(s) edicións.

Características

Abriu as súas portas o 1 de xuño de 2021, a partir dunha idea de Rosa Espiñeira Pan e o seu compañeiro Michel Stassart, nun edificio escolar datado en 1959. Pretende ser un lugar múltiple, tanto polas linguas que integra coma pola igualdade, acubillando paz, alegría, sabedoría, amor, historia. Para iso desenvolve actividades arredor da biblioteca, das artes escénicas á educación, da natureza á terra, aire auga como individualidades, a partir das persoas. O espazo acolle concertos (Ugia Pedreira, 2022), presentacións de libros e charlas (Xesús Alonso Montero, 2023; Bernardo Penabade, Teresa Moure, Manuel Lourenzo e Rosana Murias, 2024; Carlos Taibo, Lucía Ferro, 2025; Cristian F. Caruncho, 2026), cursos (galego para neofalantes, en diversas datas), edicións diversas (Kéltiga, cartas, 2024), mesas redondas (Colapso e mundo rural: reconectar co esencial, 2022), commemoracións (agasallos a Luís Seoane, homenaxe a Fernández del Riego) ou exposicións fotográficas (Palabra e Memoria, 2023). En 2023 engadiuse á decoración do edificio un mural de Edmond Baudoin, escritor e debuxante de banda deseñada. No exterior do edificio está o Arboretum, espazo no que persoas senlleiras plantan árbores para activar o espazo.

Galería de imaxes

Texte de Wikipédia en galicien, sous licence CC BY-SA. Lire l'article complet ↗