Praia do Son

A praia do Son, tamén chamada praia do Cruceiro é un pequeno areal urbano do lugar do Porto do Son, na parroquia de Noal. Até o século XIX estendíase desde Rocapillón até o pé do cruceiro situado no cruzamento da baixada á zona portuaria desde a estrada AC-550. Antes da ampliación do porto estendíase até o antigo peirao vello, e tras as sucesivas obras de ampliación do porto chegou a desaparecer, rexurdindo na actual configuración deste, ampliando a súa extensión até máis alá do cruceiro (polo que algúns chámana tamén a que se formou). == Características == A súa lonxitude é de 170 m, e a súa anchura de 15 m. O nivel medio de ocupación nos verán é alto, sendo frecuentada sobre todo por familias con nenos, dado a súa escasa perigosidade. Está constituída por area branca moi fina, que o vento despraza até o novo xardín do porto. O estado habitual do mar é de ondas moderadas, e é moi ventosa. É apta para practicar o submarinismo. Dispón de servizos habituais como autobús interurbano, aparcadoiro non vixiado (de entre 50 e 100 prazas), ducha, sinalizacións de perigo claramente visíbeis. == Atención médica == Para atencións médicas, no centro urbano hai un Centro de Saúde, situado na rúa Atalaia, s/n. O hospital máis próximo é o Hospital da Barbanza, que se encontra a 15 km no lugar de Salmón, na parroquia de San Martiño de Oleiros no veciño concello de Ribeira. == Véxase tamén == === Ligazóns externas === Playa O Son / Cruceiro en Playas de España (en castelán). Praia O Son (Cruceiro) Arquivado 15 de agosto de 2016 en Wayback Machine. en Turgalicia (en galego). Relación das 22 praias do concello do Porto do Son en Queplaya.es (en castelán).

Texte de Wikipédia en galicien, sous licence CC BY-SA. Lire l'article complet ↗