Ermida

A Ermida da Estrela, tamén coñecida como ermida da Virxe da Estrela, foi un templo relixioso situado na Illa da Estrela, fronte á praia da Ermida, na parroquia de Corme Aldea, no concello de Ponteceso. Na actualidade atópase desaparecida, conservándose unicamente restos da súa planta e da cimentación entre os afloramentos rochosos do illote. A ermida erguíase na Illa da Estrela, un pequeno illote rochoso situado na entrada da ría de Corme e Laxe, a escasa distancia da praia da Ermida. O enclave forma parte dun espazo de elevado interese paisaxístico e arqueolóxico, xa que no mesmo illote se localiza tamén un castro costeiro.

Testo di Wikipedia in galiziano, con licenza CC BY-SA. Leggi l'articolo completo ↗