Igrexa de Santa Uxía de Ribeira

A igrexa de Santa Uxía de Ribeira é un templo católico na vila de Ribeira. == Historia == Construíuse entre 1861 e 1864 con deseño do arquitecto Faustino Domínguez Domínguez, autor tamén das igrexas de Santa María de Oza, Santa María de Ordes e San Nicolao da Coruña, todas elas con fachadas semellantes. A planta é de cruz latina con capelas laterais na nave central. A cubrición desta nave central de bóveda de canón sobre arcos faixóns de medio punto que repousan sobre pilastras, e as das capelas de bóveda de aresta. O cruceiro remata nunha cúpula e o presbiterio por un casquete esférico. A cuberta é a dúas augas con tella. Os muros son de cachotaría careada e a fachada de cadeirado de granito. A decoración é moi austera, e limítase á fachada principal. Ambos os dous laterais están formados por dúas torres-campanario, sen decoración, salvo as cornixas que marcan os tres tramos e que se prolongan no corpo central da fachada. Este está formado por dous machóns laterais, con cadansúas fornelas e rematado cun frontón triangular. No entrepano central hai unha porta rectangular, lixeiramente moldurada e, sobre ela, unha ventá semicircular que ilumina o coro. == Véxase tamén == === Ligazóns externas === https://www.turismo.gal/recurso/-/detalle/10853/igrexa-parroquial-de-santa-uxia?langId=gl_ES

Testo di Wikipedia in galiziano, con licenza CC BY-SA. Leggi l'articolo completo ↗