Faro de Punta Candieira

O faro de punta Candieira é un faro situado en punta Candieira, no concello de Cedeira, na provincia da Coruña Galicia. O faro xestiónao a Autoridade Portuaria de Ferrol-San Cibrao. Ten 9 metros de altura.

Historia

O 11 de maio de 1908 o presidente da Liga Marítima Española solicitou un estudo para instalar un faro no Cabo Ortegal. A Comisión de Faros aprobou o 15 de xaneiro de 1912 “que o novo faro, recollido no Plan de Iluminación, situárase en Punta Candieira”. Proxectouse en 1929 e rematouse en 1933, pero non se inaugurou ata principios de 1954 debido ás discusións sobre a conveniencia da localización exacta. En 1930, varias organizacións solicitaron retirar o faro de Punta Candieira e instalar un faro de 60 millas de alcance e unha estación de localización no cabo Ortegal. A petición non tivo éxito e cambiouse a característica esperada a grupos de 3 e 1 lampos brancos. No ano 2004 rehabilitáronse a fachada e as fiestras do edificio do faro e construíuse un novo garaxe. No ano 2005 instalouse unha estación base (AIS) e en 2008 renovouse o sistema de supervisión remota, que envía os datos por ADSL ao Centro de Control, na Autoridade Portuaria de Ferrol.

Outros artigos

Lista de faros de Galicia

Texto da Wikipedia en galego, con licenza CC BY-SA. Ver o artigo completo ↗