Mosteiro de San Cibrao de Montecubeiro

O mosteiro de San Cibrao foi un mosteiro medieval situado na parroquia de Montecubeiro, no concello de Castroverde. Consérvase en ruínas, agás o edificio da igrexa. == Historia == Ten orixe nos séculos XII-XIII e pertenceu á orde de San Bieito. A finais do século XV incorporouse ó convento de San Domingos de Lugo. Estaba formado polo templo, o claustro e as dependencias dos monxes. O claustro está en ruínas. Na porta do patio exterior consérvase un chamador de ferro, cun martelo en forma de can e a cruz dominica. A igrexa foi reconstruída no ano 1787, cunha ampla nave con teito de madeira a dúas augas, e unha sala frontal no que se conserva unha primitiva pía bautismal. No interior hai un retablo con columnas salomónicas, e outros tres retablos laterais. == Galería de imaxes == == Véxase tamén == === Bibliografía === San Cibrao de Montecubeiro Arquivado 25 de setembro de 2015 en Wayback Machine. en Proxecto ARGA Pardo Villar, A.: "El convento de Santo Domingo de Lugo (Notas históricas)". Boletín da Real Academia Galega nº 281-284.

Texto da Wikipedia en galego, con licenza CC BY-SA. Ver o artigo completo ↗