Serra do Oribio

A serra do Oribio é unha das serras orientais de Galiza. Esténdense en dirección E-SO por terras dos concellos de Samos e Triacastela. Está limitada ao norte polo val do río Sarria e ao sur polo río Lóuzara. A serra está conformada por pelitas.[Cómpre clarificar] Na vertente oeste nacen varios afluentes do río Sarria e na leste do Lóuzara. Está incluída como espazo natural na zona especial de conservación dos Ancares-Courel. O punto de maior elevación é o pico Oribio, con 1 447 metros sobre o nivel do mar.

Historia

A serra está atravesada polo antigo Camiño Real do Oribio de orixe prerromana, e que posteriormente foi denominado Camiño de Castela que, como o seu nome indica, era o camiño que comunicaba ámbolos reinos. As referencias ao Camiño Real de Oribio aparecen en numerosos documentos gardados no Mosteiro de Samos e no Pazo de Perros, Calvor (Sarria).

Cultura

Texto da Wikipedia en galego, con licenza CC BY-SA. Ver o artigo completo ↗