Árbore senlleira
Teixedal de Casaio
Casaio · Carballeda de Valdeorras · Ourense
Foto: Sethfromsomewhere · CC BY-SA 4.0 · Wikimedia Commons ↗
O teixedal de Casaio, coñecido tamén como O Teixadal, é un pequeno bosque de teixos situado na parroquia de Casaio no municipio de Carballeda de Valdeorras (provincia de Ourense). Forma parte da zona especial de conservación (ZEC) de Pena Trevinca, case no linde coas provincias de León e Zamora. É un bosque de difícil acceso que se salvou das explotacións de lousa. É un dos poucos bosques naturais de teixos existentes en Europa xa que esta é unha árbore que adoita medrar illada. Ten ó redor de 400 teixos, a maioría deles centenarios, e ocupa unhas 6 hectáreas. Conviven con outras especies como acivros, abeleiras, ou freixos. Desde 2007 está catalogado como Formación singular, co número 19, dentro do Catálogo de Árbores Senlleiras de Galicia..
Texto da Wikipedia en galego, con licenza CC BY-SA. Ver o artigo completo ↗
Datos
Que é Bosque · árbores senlleiras de Galicia
Altitude do punto ≈ 1.479 m · Terrain Tiles
Vila máis próxima O Barco, a 20,5 km
No concello viven 1.345 (2025) · IGE
