Torre de Alarma de Barciela

A Torre de Alarma de Barciela, Torre de Alarma de Castrelo, Torre vella de Barciela ou, simplemente, Torre de Barciela é unha construción do século XV situada no lugar de Barciela, parroquia de Santa Mariña de Castrelo do concello pontevedrés de Forcarei, na Comarca de Tabeirós - Terra de Montes.

Descrición

É unha torre de planta cuadrangular dividida en tres corpos cunha escaleira arredor polo exterior do acceso. No primeiro corpo hai unha fornalla de arco semicircular de grandes doelas; o segundo corpo parte dunha plataforma de chegada ás escaleiras onde se facían os sinais luminosos e forma unha especie de espadana con arco de medio punto situado xa no terceiro corpo, rematando un pequeno frontal con beiral e un pináculo na cima. Foi declarada Ben de Interese Cultural co código (R.I.)-51-0008964-00000.

Outros artigos

Lista de monumentos da provincia de Pontevedra

Texto da Wikipedia en galego, con licenza CC BY-SA. Ver o artigo completo ↗