Castro
Castro de Taramancos
Noia · A Coruña
O castro de Taramancos, tamén coñecido como Poboado de Espiñeira ou Taramancos Vello, foi un castro localizado no lugar de Taramancos, na parroquia de Boa, no concello de Noia, preto da praia de Taramancos e da enseada do Testal. Foi descuberto en 2011 durante as obras da variante de Noia (AG-56), que incluían a construción da ponte sobre a ría de Muros e Noia. Unha vez finalizada a intervención arqueolóxica, a maior parte do castro foi destruída en marzo de 2012 durante a construción da variante de Noia. O sitio destacou pola súa longa secuencia de ocupación, que abranguía dende a Idade de Bronce ata o século IV, conservando restos da cultura castrexa e da época romana.
Texto da Wikipédia em galego, com licença CC BY-SA. Ver o artigo completo ↗