Igrexa de San Xoán de Sadurnín

A igrexa de San Xoán de Sadurnín é un templo relixioso situado na parroquia de San Xoán de Sadurnín, no concello de Cenlle.

Descrición

É unha construción de arquitectura románica do século XII e, aínda que profundamente reformada, o corpo principal, de reducidas dimensións, semella manter a súa estrutura primixenia. Construída en cachotaría, a súa escasa decoración exterior limítase a unha serie de relevos nos beirados a modo de almofadas. Representan na súa maioría figuras xeométricas e vexetais con escasa representación animal e humana. O resto, como a capela maior son de finais do século XVIII ou principios do século XIX. Destacan amais dos canzorros, a porta principal composta por un arco apuntado e tres arquivoltas apoiadas en dous pares de columnas. Ten un altar barroco da Virxe do Rosario e un altar maior neoclásico.

Galería de imaxes

维基百科加利西亚语词条，采用 CC BY-SA 许可。 阅读完整条目 ↗