山

Serra da Martiñá

Vales · San Cristovo de Cea · Ourense

照片: Elisardojm · CC BY-SA 4.0 · Wikimedia Commons ↗

Galicia的山脉, 海拔约 863 米, 距Cea 6.7 km.

A serra da Martiñá é unha pequena serra encadrada na dorsal galega, moi preto da serra do Faro, entre as provincias de Lugo e Ourense. Xeoloxicamente está conformada principalmente por granitos. As importantes diferenzas de altitude favorecen a presenza de diferentes ecosistemas: bosques caducifolios nas abas e turbeiras nos cumios. O punto de maior altitude é o monte Martiñá (tamén coñecido como O Castro), con 1042 metros sobre o nivel do mar.

A Martiñá na cultura popular

A serra da Martiñá aparece mencionada en catro ocasións no poemario de Ramón Otero Pedrayo Bocarribeira: Na terceira estrofa, nunha mostra de hilozoísmo, o vieiro pregúntalle á nabeira: ¿De onde ves, meu vello? Veño do Ribeiro... E cara onde vas? Vou prá Martiñá... Estrofa 11: Achega lume ó Paraño! -fala o Avión á Martiñá- que prá bica do poente hei de acender de mañá. Estrofa 15: Pousou nos soutos da Torre o vento da Martiñá. Estrofa 43: Neve, nevisca, neviña folerpa da Martiñá.

维基百科加利西亚语词条，采用 CC BY-SA 许可。阅读完整条目 ↗