Castro da Baña

O Castro é un lugar da parroquia da Baña no concello coruñés da Baña na comarca da Barcala. Sitúase nunha zona alta do monte de pendente acusada descendente dirección norte. Linda ao norte con Salvande. Neste lugar están a igrexa parroquial, os dous cemiterios existentes na parroquia e un cruceiro. Neste lugar aínda se pode ver o recinto circular do castro de maiores dimensións do concello, castro a día de hoxe cuberto de eucaliptos, piñeiros e vexetación.

Wikipedia-Text auf Galicisch, lizenziert unter CC BY-SA. Vollständigen Artikel lesen ↗