Schutzgebiet in Natur- oder Landschaftsschutz

Veiga de Ponteliñares

Porqueira · Ourense · 2004

Von Veiga de Ponteliñares gibt es noch kein Foto

Wenn du eines hast, laden Sie es zu Wikimedia Commons ↗ hoch mit gesetzten Koordinaten, und es gelangt von selbst auf diese Karte und auf jede andere, die offene Daten nutzt. Oder senden Sie es uns.

Galicisches Naturgebiet als Besonderes Schutzgebiet ausgewiesen, auf 609 m Höhe, 10,4 km von Bande.

A veiga de Ponteliñares é un espazo natural galego catalogado como zona especial de conservación (ZEC) que inclúe as veigas das chairas do curso alto do río Limia, ao sur da noutrora presente lagoa de Antela. Esta área de conservación ourensá ocupa 160 ha dos concellos limiaos de Porqueira e Rairiz de Veiga. Este espazo natural forma parte da zona de especial protección para as aves (ZEPA) da Limia e está incluída en territorio de concellos da reserva da biosfera da Área de Allariz.

Fauna e flora

Flora

A veiga de Ponteliñares é un conxunto de ribeira arredor de augas oligotróficas do río Limia, cos seus prados de sega e bosques de ribeira de abeneiros e freixos. Están presentes áreas de queirogais de Erica ciliaris e E. tetralix. Na vexetación das augas dominan as Potamogeton natans e Ranunculus penicillatum. Entre a flora destacan os cardiños da lagoa (Eryngium viviparum) por ser un dos poucos espazos naturais galegos onde está presente. As especies da flora catalogadas como especies silvestres en réxime de protección especial ou presentes no catálogo galego de especies ameazadas son:

Fauna

Nesta veiga atópanse 23 taxóns de animais de interese de conservación. Destacan o lepidóptero Euphydryas aurinia, a cobra lagarteira común (Coronella austriaca) e aves como a pica campestre (Anthus campestris), a curuxa das xunqueiras (Asio flammeus) ou o sisón (Tetrax tetrax). As especies de fauna catalogadas como especies silvestres en réxime de protección especial ou presentes no catálogo galego de especies ameazadas son:

Lexislación

En 2004 foi declarado como lugar de importancia comunitaria (LIC) pola comisión bioxeográfica atlántica e en 2006 pola comisión mediterránea. En 2014 ascendeu a zona especial de conservación (ZEC) en marzo de 2014. Ademais, está dentro da zona de especial protección para as aves (ZEPA) da Limia tamén da rede Natura. Parte deste espazo natural está presente dentro da reserva da Biosfera Área de Allariz.