Kiosko Alfonso

O Quiosco Alfonso, Kiosco Alfonso ou Quiosco Afonso é unha sala de exposicións da cidade da Coruña. Realiza todo tipo de exposicións, artísticas, informativas, fotográficas, de deseño industrial e gráfico, arquitectónicas, holográficas etc... así como outro tipo de actos, como conferencias, mesas redondas, edicións de catálogos. Está situado en pleno centro da cidade, nos Xardíns de Méndez Núñez. == Historia == O edificio construíuse na zona en que se situaban os quioscos de refrescos dos Xardíns de Méndez Núñez. Era un pavillón alongado (5×46 metros), semellante aos existentes Pavillón Lino e A Terraza. Foi deseñado por Rafael González Villar en 1912 en estilo modernista con dous corpos e dúas escaleiras exteriores. Foi inaugurado en 1913. O Quiosco Alfonso recibe o seu nome do rei Afonso XIII, para conmemorar unha visita que fixo á cidade. O mesmo arquitecto realizou a primeira ampliación en 1926, en 1931 o pechamento da terraza da primeira planta coa que desapareceu a fachada orixinal modernista e en 1934 a reforma do primeiro andar. Ao longo da súa historia foi café, sala de espectáculos e cine. Dende 1982 é sala de exposicións municipal, para o que se fixo unha nova reforma por parte de Xosé Manuel Casabella. == Notas == == Véxase tamén == === Bibliografía === Martínez Suárez, Xosé Luís; Casabella López, Xan (1989). Catálogo arquitectura. A Coruña 1890-1940. COAG. ISBN 978-84-85665-09-9. === Ligazóns externas === Información do Quiosco Alfonso na web da cidade da Coruña Arquivado 14 de febreiro de 2011 en Wayback Machine.

Texto de Wikipedia en gallego, con licencia CC BY-SA. Ver el artículo completo ↗