Castro das Croas

O castro das Croas é un poboado castrexo situado na parroquia de Salcedo, no concello de Pontevedra. == Descrición == O castro ten planta circular, limitada cara ao norte por unha fonte pendente cara ao río Batán. Accédese polo lado sur desde unha rampla de construción moderna, a carón da cal hai un cruceiro sen cruz. Conserva un muro cun forte desnivel nos lados leste e noroeste, cun foxo de dous metros acoutado por baixo muro. O recinto interior está divido en dous espazos a diferentes niveis. É un asentamento antigo, da idade de ferro. Hai un petróglifo no centro da croa superior, cunha laxe redondeada cunha cruz labrada, dúas coviñas e dúas grafías non identificables. En 1866 José Casal Lois recolleu a lenda da moura do monte das Croas, publicada na obra Galicia de Manuel Murguía e en Las leyendas tradicionales de gallegas de Leandro Carré Alvarellos. == Escavacións e afectacións == O castro está afectado cara ao oeste pola estrada PO-0012, e cara ao leste fixéronse recheos durante a construción da AP-9. En 1993 o arqueólogo Antonio de la Peña Santos fixo varias prospeccións, descubríndose parte da muralla e dunha cabana. En agosto de 2014 iniciouse unha nova escavación, dirixida por Eduardo Méndez. == Véxase tamén == === Bibliografía === De la Peña Santos, A. (2000): "Castro de As Croas (Salcedo, Pontevedra)". A Coruña: Brigantium: Boletín do Museo Arqueolóxico e Histórico da Coruña, ISSN 0211-318X, Nº 12, páxs. 153-160. === Outros artigos === Cultura castrexa === Ligazóns externas === "A Moura do monte das Croas", post de Rafa Quintía no blog Á Sombra de Bouza Panda, 3 de xaneiro de 2011.

ウィキペディア（ガリシア語）より、CC BY-SA ライセンス。 記事全文を読む ↗