Verbum - Casa das palabras

O Verbum - Casa das Palabras é un museo interactivo da cidade de Vigo, dedicado aos ámbitos relacionados coa comunicación humana, deseñado coma un espazo cultural, lúdico e divulgativo no que os visitantes poidan participar dun modo activo nos elementos expositivos. Un espazo de entretemento que permite experimentar e coñecer a través de xogos todo o relacionado coa comunicación: as linguaxes, os idiomas, as palabras, as letras, os sons, os signos, os símbolos, a vista, o oído, a lectura, a escritura, a literatura, a tecnoloxía etc. En 2025 anunciouse que o Verbum trocaría a súa finalidade e converteríase no Museo de Historia da cidade de Vigo.

ウィキペディア（ガリシア語）より、CC BY-SA ライセンス。 記事全文を読む ↗