Astilleros Armón Vigo

Astilleros Armón Vigo é un estaleiro galego situado no barrio de Coia, na cidade de Vigo. A súa actividade é o deseño, construción, transformación e reparación de buques de casco de aceiro de até 120 m de eslora e 18 m de manga. == Historia == O estaleiro foi fundado no ano 1999, ocupando as instalacións do desaparecido estaleiro Construcciones Navales Santodomingo, no barrio vigués de Coia, integrado no grupo naval asturiano Astilleros Armón, grupo empresarial que comprende outros estaleiros e diversas factorías nas localidades de Burela, Xixón, Navia, Coaña, Porto de Veiga (Navia) e na localidade arxentina de Comodoro Rivadavia. Desde a súa inauguración o estaleiro construíu buques anualmente, tanto para armadores españois coma estranxeiros. En novembro do ano 2017 o estaleiro acadou un contrato coa armadora Nueva Pescanova para a construción de sete buques pesqueiros por un importe de 42,5 millóns de euros, o que supón o maior encargo de construción naval realizado por unha empresa pesqueira española da historia. Dos sete buques, catro se construirían na factoría de Vigo, mentres que os outros tres serían construídos nas instalacións de Burela. == Instalacións == Astilleros Armón Vigo conta cunha factoría de 15 000 m². Nestas instalacións encóntranse: 1 grade cuberta de até 120 m, 1 grade con capacidade de 70 m, 1 molle de armamento de 180 m, taller de calderaría, guindastres móbiles, guindastres-ponte, autoguindastres, oficina técnica, centro de corte de chapa, etc. == Produtos == Astilleros Armón Vigo dedícase á fabricación de buques de gran tonelaxe, especializándose principalmente na construción dos seguintes tipos de buques: buques de carga (asfalteiros, cargueiros e portacontedores), buques escola, oceanográficos e de investigación, offshore e supplies, pesqueiros (arrastreiros, atuneiros, maciceiros e palangreiros), remolcadores, remolcadores de altura, etc. Outra das actividades importantes do estaleiro, á parte das novas construcións, é a reparación e transformación de todo tipo de buques e embarcacións. == Certificacións de calidade == O estaleiro actualmente está en posesión dos seguintes certificados de calidade: ISO 9001, ISO 14001 e a OHSAS 18001. == Premios e recoñecementos == No ano 2012, o oceanográfico Ángeles Alvariño construído por Astilleros Armón Vigo, conseguiu o terceiro lugar no concurso "Buques Destacados", organizado anualmente polo Colexio Oficial de Enxeñeiros Navais e a Asociación de Enxeñeiros Navais e Oceánicos de España. == Buques destacados == Arrastreiro Ponta Matirre: encargado pola armadora Nueva Pescanova, botado no ano 2019. Arrastreiro Lalandii: encargado pola armadora Nueva Pescanova, botado no ano 2019. Arrastreiro José Marcelo: encargado pola armadora Moscuzza da Arxentina, botado no ano 2018. Arrastreiro Graciela I: encargado pola armadora Moscuzza da Arxentina, botado no ano 2018. Oceanográfico Svea: encargado pola Universidade de Ciencias Agrícolas de Suecia, botado no ano 2018. Arrastreiro Oshiveli: encargado pola armadora Tunacor de Namibia, botado no ano 2018. Palangreiro Eclipse Tres: encargado pola armadora Augadoce de España, botado no ano 2017. Palangreiro Costa Azul Dos: encargado pola armadora Jaldamar de España, botado no ano 2017. Arrastreiro José Américo: encargado pola armadora Moscuzza da Arxentina, botado no ano 2017. Oceanográfico BIP Víctor Angelescu: encargado polo Instituto Nacional de Investigación e Desenvolvemento Pesqueiro (Inidep) da Arxentina, botado no ano 2017. Maciceiro Haizea Sei: encargado pola armadora Albacora de España, botado no ano 2017. Hidrográfico ACR Roncador: encargado pola Armada Nacional de Colombia, botado no ano 2016. Remolcador Ibaizabal Doce: encargado pola armadora Remolcadores Ibaizabal de España, botado no ano 2016. Maciceiro Haizea Lau: encargado pola armadora Albacora de España, botado no ano 2016. Atuneiro El Duque: encargado pola armadora Hersea S.A. de México, botado no ano 2015. Remolcador de altura Alice One: encargado pola armadora Remolcadores Ibaizabal de España, botado no ano 2015. Atuneiro Titis: encargado pola armadora Pesca Azteca de México, botado no ano 2014.…

위키백과 갈리시아어 문서, CC BY-SA 라이선스. 전체 문서 읽기 ↗