Cabo Silleiro

O cabo Silleiro, é un cabo situado no suroeste de Galicia, na parroquia de Baredo (Baiona), que pecha a ría de Vigo polo sur, marcando o inicio das Rías Baixas cara ao norte. É o punto máis ó norte da costa de Baredo a Camposancos. == Faro == Nas inmediacións hai dous fartos: O Faro Vello de cabo Silleiro, construído en 1866 e hoxe rehabilitado como cafetaría, e mais o Faro de cabo Silleiro, construído en 1924, que ten unha altura de 9 metros sobre o chan e 85 sobre o nivel do mar, cun alcance de 30 millas. == Instalacións militares == Na década de 1940 construíuse na zona, a batería de artillaría costeira J4, con 200 metros de galerías subterráneas conectando catro pezas de artillaría Vickers modelo 1923 de 152,4/50mm de 1943, fabricados pola Sociedad Española de Construcción Naval en Reinosa, co obxectivo de protexer o porto de Vigo e a entrada á vila de Baiona. A base foi abandonada durante os anos noventa. En 1998 retirouse o perímetro de seguridade. As intalacións pertenceron ao Ministerio de Defensa de España ata o ano 2021, cando, tras trinta anos de negociacións, as mercou o Concello de Baiona por 370.000 €. == Costa == Na súa costa hai moitos relevos: Illas: A Carral, A Negra e as Polveiras. Enseadas: Fornos, O Baleal, A Cova de Baredo (Os Loureiros), Pedra Alta e Tío Andrés. Puntas: O Peso, Niño do Corvo, Os Mouróns (Petóns de Fornos), Serreira e O Monete. Marcas e demais: O Lobo, O Lobiño, A Aguieira e O Cunchido. == Naufraxios == Nas augas de cabo Silleiro afundiron dous barcos: o ABC e o Collingham (chamado polos baioneses O Cunichán).[cando?] == Galería de imaxes == == Notas == == Véxase tamén == === Bibliografía === === Outros artigos === Península de Monterreal === Ligazóns externas === ORDEN 173/1998, por la que se suprimen diversas zonas de seguridad de instalaciones militares... Arquivado 05 de marzo de 2016 en Wayback Machine. BOE (en castelán).

Texto da Wikipedia en galego, con licenza CC BY-SA. Ver o artigo completo ↗