Capela de San Bieito da Uceira

A capela de San Bieito da Uceira é unha construción relixiosa situada na parroquia de Sandiás, dedicada a Bieito de Nursia.

Romaría

Cada luns de Pascua e os segundos domingos de xullo celébrase unha romaría. Bieito de Nursia é un santo considerado milagreiro, especialmente avogoso para as verrugas, que ten moito predicamento entre os veciños da comarca da Limia e dos arredores. A tradición conta que había unhas muletas na ermida pertencentes a un home que veu con elas ofrecidas ó santo e ó volver xa non as necesitou máis. A tradición esixe que se pase un pano polas zonas do santo onde se padeza o mal (por exemplo, os ollos), e logo polas zonas equivalentes da persoa. Tamén se entende que os presuntos poderes do santo se reforzan coa compra dun exvoto de cera.

Texto da Wikipedia en galego, con licenza CC BY-SA. Ver o artigo completo ↗