Castelo do Castrodouro

O castelo do Castro de Ouro é unha fortaleza de orixe medieval situada na parroquia do Castrodouro, no concello de Alfoz do Castrodouro e debe a súa fama á súa relación co mariscal Pardo de Cela. == Historia == Edificado sobre un antigo e importante castro romano, pertenceu ao longo da Idade Media á Mitra mindoniense, despois de preitearen os veciños de Alfoz pola súa propiedade, e de ser precisa e decisiva a intervención dos Reis. Cando a finais do século XV degolan a Pardo de Cela, era mariscal o seu dono por mor, probablemente, de formar parte do dote da súa voda. Cando en decembro do 1483 Pero Pardo de Cela foi axustizado, volve ao poder da Mitra mindoniense, a cal, rexida polo bispo Diego de Soto, entre os anos 1546 e 1549, fai reformas. O Padre Flórez expresa[Cómpre referencia] que: Por estas palabras podemos presupor que esta fortaleza non foi derrubada polos Reis Católicos –na súa política de afogar economicamente a familia dos Pardo de Cela- xa que simplemente precisou unha reforma; se fose derruída no 1483, aproveitarían para refacela e deixala en perfectas condicións. == Actividades == No verán do ano 2006 celebráronse no castelo de Castrodouro unhas xornadas sobre Pardo de Cela. O Castrodouro, a casa de Fonsa Yáñez, e a Frouseira son lugares mitificados -tal e como di o profesor da Universidade de Santiago Carlos Barros- pola historiografía galeguista que simboliza en Pardo de Cela unha inexistente Galicia tardomedieval independentista.[Cómpre referencia] == Notas == == Véxase tamén == === Outros artigos === Castelos de Galicia === Ligazóns externas === Debate de Carlos Barros

Texto da Wikipedia en galego, con licenza CC BY-SA. Ver o artigo completo ↗