Igrexa de San Nicolao da Coruña

A igrexa de San Nicolao é un templo relixioso de estilo barroco situado na Coruña. É unha das parroquias históricas da cidade da Coruña, con Santa María, Santiago e San Xurxo. == Descrición == O edificio ten planta de cruz latina e unha soa nave abovedada. A cada lado da nave hai seis capelas, a maioría funerarias. No interior destacan o presbiterio e as complexas decoracións barrocas. Dúas portas con balcóns permiten o acceso a outras áreas como a sancristía. A fachada clasicista, de dous corpos, está rematada por dúas torres-campanario. No adro existe un cruceiro. == Historia == O templo anterior, do que só se conserva a capela do Cristo, cunha inscrición de 1632 foi destruído no asedio de 1589. A partir desa data e especialmente dende 1688 tivo que ser consolidado e reformado. A heteroxeneidade e antigüidade do edificio existente fixo necesaria a reconstrución, contra 1740, dun novo templo de estilo barroco. A fachada orixinal, posiblemente de estilo híbrido, foi substituída en 1861 pola actual, proxectada por Faustino Domínguez Domínguez. Na capela das Dores está enterrada a fundadora do Hospital da Caridade, Teresa Herrera. == Notas == == Véxase tamén == === Outros artigos === Arciprestado de Faro === Ligazóns externas === Ficha en Turgalicia Parroquia Web da Parroquia Arquivado 24 de xaneiro de 2016 en Wayback Machine.

Texto da Wikipedia en galego, con licenza CC BY-SA. Ver o artigo completo ↗