Igrexa de San Xián de Veiga

A Igrexa de San Xián de Veiga é un templo románico situado na parroquia de Veiga, no concello lugués da Pobra do Brollón, que data do século XII, sendo o máis antigo que se atopa nese concello.

Historia e características

Data da segunda metade do século XII con naves ábsidas semicirculares. A nave principal é rectangular con muros de cachotaría, cuberta a dúas augas con tellado de lousa. A sancristía está acaroada a un dos laterais da nave. A portada principal é estreita e alongada, e está reformada. Ten tres arquivoltas semicirculares peraltadas. Canzorros lisos, estela con Flor de Lis e, no interior, retablo barroco do século XVIII, esculturas e campanario con espadana de catro vans.

Outros artigos

Arquitectura románica en Galicia

Texto da Wikipedia en galego, con licenza CC BY-SA. Ver o artigo completo ↗