Razo

A praia de Razo é un areal bañado polo océano Atlántico situado na parroquia de San Martiño de Razo, no concello coruñés de Carballo. == Características == Praia aberta de area dourada e gran fino que forma xunto coa praia de Baldaio un dos areais mais extensos de Galicia protexido pola súa riqueza natural. Conta coa bandeira azul e con múltiples posibilidades para o lecer e o deporte. === Deporte === Razo goza de recoñecemento como destino para a práctica de deportes náuticos e ten unha importante comunidade que vive do surf contando, entre outras, cunha escola pioneira en España fundada no ano 1991. Tamén son habituais os torneos de voleibol e as persoas que aproveitan a intensidade do vento desta zona para practicar ala delta ou parapente. === Interese xeolóxico === A praia de Razo presenta varios afloramentos de praias fósiles formadas na era cuaternaria. Isto pode apreciarse nos seus cantís, onde se ven os distintos estratos que son testemuño da evolución da praia ao longo de milleiros de anos. Tamén é posible observar abundantes acumulacións de minerais pesados. Ademais, de Razo parte un dos fenómenos xeolóxicos máis importantes de Galicia: a Depresión Meridiana, falla que racha o territorio galego de norte a sur. === Espazo protexido === Esta praia está protexida pola Rede Natura 2000 para a conservación da biodiversidade como LIC e ZEPA. == Acontecementos == 1929 - Naufraxio do barco de vapor María Victoria. 2002 - A marea negra do Prestige alcanza a costa. 2003 - Un avión militar emprega a praia de Razo - Baldaio como pista de aterraxe de emerxencia. 2006 - Unha marea de obxectos procedentes dun barco mercante afecta a costa de Razo. 2024 - A marea de granulado plástico que provocou un buque ao perder parte da súa carga fronte á costa portuguesa chega a Razo. == Galería == == Notas ==

Texto da Wikipedia en galego, con licenza CC BY-SA. Ver o artigo completo ↗