Espazo protexido
Río Ouro
Fazouro · Foz · 2004
Foto: Iago Casabiell González · CC BY-SA 4.0 · Wikimedia Commons ↗
O río Ouro pertence á vertente cantábrica e recorre os concellos de Valadouro, Alfoz do Castrodouro e Foz ata chegar ao esteiro ou ría de Fazouro. Nace na serra do Xistral, na parroquia do Pereiro (Alfoz do Castrodouro) a uns 700 ou 800 metros de altitude e desemboca en Fazouro (Foz). Ten un percorrido de 30 quilómetros e forma o límite natural entre os dous concellos que conforman o chamado Val do Ouro: O Valadouro e Alfoz do Castrodouro. Agás as áreas do seu nacemento, as ribeiras do río Ouro e o seu esteiro están protexidas como zona especial de conservación (ZEC) río Ouro.
Intervención humana
Aproveitamento
Na súa parte alta está a fervenza do Escouridal. Nese tramo predominan os rápidos e augas claras con abundante troita común, de pequeno tamaño. A medida que chega ao val, o río ensánchase e as súas augas discorren máis lentas, dando lugar a meandros, largas táboas e pozas. Na súa parte baixa (parroquias de Santo Acisclo e Fazouro) pódese pescar o reo, especie que todos os anos remonta o río procedente da ría para desovar.
Cultura
Se as penas de Oirán se volveran pan, a Frouseira manteiga e o río de Ouro viño mouro, non había terra coma o Valadouro .
Texto da Wikipedia en galego, con licenza CC BY-SA. Ver o artigo completo ↗
Datos
Que é Río · Espazo natural protexido
Extensión 109 m²
Altitude do punto ≈ 6 m · Terrain Tiles
Vila máis próxima Foz, a 4,3 km
Ruta que pasa preto Camiño natural de San Rosendo, a 2,4 km
No concello viven 10.415 (2025) · IGE
Chegar en bus
- BARGADOa 497 mCEIP O CANTEL-O CACHÓN · CEIP O Cantel-O Cachón · IES de Foz-O Cachón · IES de Foz-O Cachón
- Gran Paradaa 514 mCEIP O CANTEL-O CACHÓN · CEIP O Cantel-O Cachón · IES de Foz-O Cachón · IES de Foz-O Cachón
- Gran Parada (marquesiña)a 515 mAvd. Ferrol - Rexistro da Propiedade-Ribadeo E.A. · Lugo E.A.-Mondoñedo-Viveiro E.A. · A Coruña E.A.-Viveiro E.A. · Santiago E.I. - Guitiriz - Burela E.A.
Paradas do transporte público da Xunta. Que haxa parada non quere dicir que pase un bus hoxe: as liñas van ordenadas polas expedicións que fan, e os horarios están en bus.gal ↗.
