Igrexa de Santo Estevo de Lires

Santo Estevo de Lires é unha parroquia situada ao noroeste do concello coruñés de Cee na comarca de Fisterra. Segundo o padrón municipal en xaneiro de 2018 tiña 398 (190 homes, 208 mulleres) habitantes distribuídos en 7 entidades de poboación, o que supón unha diminución en relación ao ano 2004 cando tiña 470 (244 mulleres e 226 homes). En 1999 tiña 506 habitantes. É unha parroquia de carácter agrícola. A piscifactoría de troitas situada nela é das máis importantes do estado [Cómpre referencia]. Foi pioneira no turismo rural[Cómpre referencia], contando na actualidade con varios establecementos deste tipo. O río Castro desemboca na ría de Lires, formando o límite desta parroquia de Cee con Muxía. A súa igrexa parroquial data de comezos do século XVII. Anteriormente houbera unha ermida medieval máis pequena e máis preto da ría. Por esta parroquia pasa o Camiño de Santiago e a 8ª etapa da ruta de sendeirismo do Camiño dos Faros.

维基百科加利西亚语词条，采用 CC BY-SA 许可。 阅读完整条目 ↗