Xardín botánico Fundación Sales

O Xardín botánico da Fundación Sales e o único xardín botánico da cidade de Vigo. Trátase dun arboretum, é dicir, un compendio de diversas especies de árbores de todos os recunchos do mundo, aínda que a súa colección inclúe todo tipo de especies vexetais. == Historia == O xardín era propiedade do arquitecto e paisaxista Francisco de Sales Covelo. Á súa morte, os seus achegados crearon a Fundación que recibe o seu nome e que se encarga do coidado e ampliación do seu legado. Nos cerca de 7000 metros cadrados que ocupa a propiedade atópase a antiga casa de Sales Covelo, que actualmente é a sede da Fundación. == Especies vexetais == A fundación posúe algunhas xoias do mundo vexetal: Wollemia nobilis: árbore que se creu extinguida e só se coñecía na forma fósil ata o ano 1994, cando se redescubriu na costa de Australia. O exemplar do xardín foi doado por un colaborador inglés no ano 2011. Victoria cruziana: planta acuática natural do río Paraná. É o único exemplar existente en España, procedente dunhas sementes doadas polo Real Xardín Botánico de Kew en Londres. == Notas == == Véxase tamén == === Outros artigos === Parques de Vigo === Ligazóns externas === Fundación Sales Arquivado 22 de febreiro de 2014 en Wayback Machine. Entrevista á voceira da Fundación Sales en Xornal de Vigo

Texto da Wikipedia en galego, con licenza CC BY-SA. Ver o artigo completo ↗