Parque de Bens

O parque de Bens é un parque do concello da Coruña situado en Bens. Foi inaugurado o 5 de xuño de 2001, Día Mundial do Medio Ambiente, sobre o antigo vertedoiro da cidade, que se derrubara en 1996 causando a morte dun veciño da Seavella ou O Portiño. Conta cunha extensión total de 605 000 m² dividida en varias áreas: A área onde se situaba o vertedoiro permanece selada para a súa total recuperación en dez ou quince anos. A segunda grande área recuperada conta con algo máis de 300 000 m² e alberga unha cascada de auga e unha ponte de madeira. A terceira grande área é un espazo natural de 88 000 m², integrado por monte natural e o miradoiro de Outeiro, dende o que se pode contemplar unha panorámica da cidade. No parque consérvase a Blanca Quiroga, embarcación de salvamento marítimo.

Texto da Wikipédia em galego, com licença CC BY-SA. Ver o artigo completo ↗