Castro da Punta Torrella

O castro de Punta Torrella é un castro situado na parroquia de Dexo, no concello coruñés de Oleiros.

Morfoloxía

Consta dun recinto único fortificado e de planta oval. As súas dimensións son duns duns 125 metros no eixo nordeste-suroeste e uns 60 metros no eixo noroeste-sueste. Conta cunhas defensas constituídas por unha unha sucesión de parapeto e foso que acadan unha altura de ata 4 metros na parte oeste 2,5 na parte do cantil costeiro. Hai indicios de que pola banda norte-nordeste pode existir outro parapeto que enlace co recinto principal. O acceso probablemente ábrese no sector sur-suroeste, por medio dunha rampla encaixada entre dous taludes.

Arqueoloxía

Non se ten noticia de que se realizasen campañas arqueolóxicas. Na actualidade non está visitable.

Outros artigos

Castro Cultura castrexa Castros da provincia da Coruña

Texto da Wikipedia en galego, con licenza CC BY-SA. Ver o artigo completo ↗