Castro de Punta Roza

O castro de Punta Roza é un castro situado na parroquia de Dexo, no concello coruñés de Oleiros. == Morfoloxía == Consta dun recinto fortificado situado nunha península apuntada, de forma triangular. As súas dimensións son duns 150 metros no eixo norte-sur e uns 100 metros no eixo este-oeste. Ten un primeiro parapeto á altura do istmo da península. A continuación hai un recinto de planta case circular que está defendido polo sur por outros tres parapetos de altura considerable con dous foxos intercalados entre eles. No extremo sur hai unha estrutura amesetada que defende o acceso ao castro. == Arqueoloxía == Non se ten noticia de que se realizasen campañas arqueolóxicas. Na actualidade non está visitable. == Véxase tamén == === Outros artigos === Cultura castrexa Castros da provincia da Coruña === Ligazóns externas === Catálogo. PXOM de Oleiros. Novembro do 2008.

Texto da Wikipedia en galego, con licenza CC BY-SA. Ver o artigo completo ↗